فاكسات مهاجر

فاكسات مهاجر

يرسلها. مدحت عويضة

· الرئيس مبارك
· أدي أخرت الإنشغال بمشاكل أخونا شعيط وأخونا معيط, شعبك بيتشري رغيف العيش بالتقسيط.
· مطار هيثروا
إصراركم علي عبور البابا من بوابة فحص المواد المعدنية, إهانة لمصر كبلد وللأقباط في كل العالم.
· أحمد عز
أقباط أسيوط بيقولوا كل إللي نقول علية غزال يطلع قرد.
· المعارضة المصرية
قولنالكم الإخوان المسلمين غدارين طول عمرهم غدارين, كدابين حتي لو حلفوا ميت يمين.
· الإخوان المسلمين
بعتم المعرضة في صفقة مشبوهة مع الحكومة ولم تشاركوا في الإضراب, بانوا علي أصلكوا بانوا.
· صدام حسين
وإنت عايش كنت كل ما تكح يصيب فهد إسهال, وبعد إعدامك حرمت النوم ع القذافي, كل يوم يصحي علي كابوس متعلق في المشنقة.
· السفير المصري بكندا
لما تنزل مصر أكنس السيدة والحسين علي شريف منصور وماجد الشافعي إللي قطعوا أكل عيشك من كندا.
· أبونا بيشوي
كنيسة قبطية متعددة الحضارات , ممكن تضم معاك الصعايدة بشرط ما تحطناش في أخر القائمة.
· أحمد سعيد
في 5 يونيو67 كان فيه أحمد سعيد واحد, وفي 6 أبريل 08 كان فيه
ألفين أحمد سعيد.
· حسام حسن

وإنت لعيب كنت مشاغب وكان الأهلي وجمهوره بيحموك من العقوبات , وإنت مدرب عايز تشاغب إنضم للحزب الوطني أو الإخوان.